Cyfleoedd
Mae llawer o sefydliadau yn Sir Benfro yn cynnig gweithgareddau trwy gyfrwng y Gymraeg i’ch plentyn ymarfer a mwynhau defnyddio’r Gymraeg.
Mae rhai sefydliadau hefyd yn darparu cyfleoedd dysgu i deuluoedd, dysgwyr di-Gymraeg, neu rai sy’n ansicr wrth ddefnyddio’r iaith er mwyn codi eu hyder.
Menter Iaith Sir Benfro
Nod Menter Iaith Sir Benfro yw hybu'r Gymraeg o fewn y sir gan drefnu amryw o weithgareddau drwy gyfrwng y Gymraeg ar gyfer plant, pobl ifanc ac oedolion. Cadwch lygad ar dudalen Facebook y Fenter am weithgareddau.
Urdd
Mae’r Urdd yn darparu ystod eang o gyfleoedd i ddysgwyr a’r gymuned ehangach i gymryd rhan mewn gweithgareddau amrywiol i hybu ymdeimlad o berthyn a’r iaith Gymraeg. Mae’r gweithgareddau’n amrywio o’r Eisteddfod flynyddol i weithgareddau chwaraeon a chyrsiau preswyl.
Mudiad Meithrin
Mae Mudiad Meithrin yn fudiad gwirfoddol sy'n arbenigo mewn darparu addysg blynyddoedd cynnar cyfrwng Cymraeg, gan gynnwys cylchoedd meithrin. Ei nod yw rhoi cyfle i bob plentyn ifanc yng Nghymru elwa ar wasanaethau a phrofiadau blynyddoedd cynnar trwy gyfrwng y Gymraeg.
https://meithrin.cymru/?lang=en
Bydd hefyd clybiau a sefydliadau yn eich ardal leol sy’n gallu darparu ystod o gyfleoedd yn Gymraeg ar gyfer grwpiau oedran gwahanol. Mynnwch sgwrs gyda staff y Ganolfan Iaith a fydd yn gallu rhoi mwy o wybodaeth i chi am weithgareddau y gall eich plentyn fwynhau drwy gyfrwng y Gymraeg.