Dathliadau Cymru

Plant yn mynd o dŷ i dŷ yn canu 'Blwyddyn Newydd Dda er mwyn cael calennig. Y Fari Lwyd. Penglog ceffyl yn cael ei gario o dŷ i dŷ a dynion yn diddanu'r teulu.

Ystyrir ei fod yn gyfatebol â Dydd Sant Ffolant. Santes Dwynwen yw nawddsant cariadon Cymru.

Mae Dydd Miwsig Cymru yn dathlu pob math o gerddoriaeth Iaith Gymraeg.

Dewi Sant yw nawddsant Cymru ac mae'n cael ei ddathlu ar Fawrth y 1af.

Gŵyl gystadleuol yw’r Eisteddfod gyda dros 15,000 o blant a phobl ifanc o dan 25 oed yn cystadlu bob blwyddyn mewn cystadlaethau megis canu, dawnsio a pherfformio. Rhain yw’r gorau o tua 40,000 o gystadleuwyr ledled Cymru sydd wedi ennill eu lle yn y Genedlaethol yn dilyn Eisteddfodau Cylch a Rhanbarthol sydd yn cael eu cynnal yn ystod misoedd y gwanwyn cyn yr Eisteddfod.

Gŵyl gelfyddydol yw’r Eisteddfod Genedlaethol, a gynhelir drwy gyfrwng y Gymraeg, sy’n rhoi llwyfan cenedlaethol i gerddoriaeth, dawns, celf, perfformiadau gwreiddiol, gweithgareddau teuluol a chystadlaethau o bob math, mewn awyrgylch groesawgar, hwyliog ac unigryw. Mae’n parhau am gyfnod o 8 diwrnod llawn ar ddechrau Awst. Mae’n newid ei lleoliad bob blwyddyn ac yn ymweld â’r gogledd a’r de bob yn ail.

Mae’r iaith yn greiddiol a phwysig i’r Eisteddfod, ond mae’r Brifwyl yn llawer mwy na digwyddiad Cymraeg – mae’n cynnig rhywbeth i bawb o bob oed. Does dim rhaid siarad Cymraeg i fwynhau’r hyn sydd gan yr Eisteddfod i’w chynnig, ac mae’r Maes yn llawn o weithgareddau a digwyddiadau i’w mwynhau.

Owain Glyndŵr oedd y Cymro olaf i gael ei alw yn Dywysog Cymru. Fe ddethlir ar 16 Medi am fod Owain Glyndŵr wedi cael ei gyhoeddi yn Dywysog Cymru ar 16 Medi 1400.

Mae Medi 30 yn ddiwrnod i gofio Waldo Williams - un o feirdd mwyaf Cymru. Cafodd ei eni yn nhref Hwlffordd ar Fedi 30 1904.

Un o’r awduron llyfrau plant mwyaf poblogaidd a chynhyrchiol yn y Gymraeg.

Diwrnod i hybu’r syniad o ddechrau pob sgwrs gyda shwmae, su’mae neu shwdi! Nod y diwrnod yw dangos bod y Gymraeg yn perthyn i bawb – yn siaradwyr rhugl, dysgwyr neu os ydych yn swil am eich Cymraeg.

Ar Ragfyr 11eg yn 1282 fe laddwyd Llywelyn ap Gruffudd, Tywysog Olaf Cymru, yng Nghilmeri. Cyfeirir ato fel Llywelyn ein Llyw Olaf.